ഈ വാർത്ത വായിച്ചാൽ തോന്നും, ഇത് വളർച്ചാ മുരടിപ്പും സാധാരണക്കാരനെയും, കർഷകരെയും എല്ലാം ബാധിക്കുന്ന ഗുരുതരമായ പ്രശ്നം ആണെന്ന്. ഭൂ മാഫിയയും, വസ്തു കച്ചവട ദല്ലാൾമാരും കൂടി കേരളത്തിൽ കഴിഞ്ഞ പത്ത് വർഷത്തിനുള്ളിൽ അഞ്ച് മുതൽ പത്ത് മടങ്ങ് വരെയാണ് ഭൂമിയുടെ വില ഉയർത്തിയത് എന്ന വാർത്ത പരാമർശിക്കാൻ വിസ്മരിക്കുന്ന ഈ വേവലാതി ആർക്ക് വേണ്ടിയാണ്? സാധാരണക്കാരനും ഇടത്തരക്കാരനും ഒരു തുണ്ട് ഭൂമി വാങ്ങി ഒരു കൂര വയ്ക്കാൻ ജീവിതകാലം മുഴുവൻ പണിയെടുക്കേണ്ട അവസ്ഥ വന്നിരിക്കുകയാണ്. അടിസ്ഥാന സൗകര്യ വികസനത്തിൻറെയൊ, വ്യവസായ വത്ക്കരണത്തിൻറെ അടിസ്ഥാനത്തിലോ ഒന്നുമല്ല റിയൽ എസ്റ്റേറ്റ് മാഫിയ ഭൂമിയുടെ വില കുത്തനെ ഉയർത്തിയത്. കള്ളപ്പണം ഈ മേഖലയിലേക്ക് ഒഴുകുകയായിരുന്നു. കോടികളുടെ സ്റ്റാമ്പ് ഡ്യൂട്ടി വെട്ടിപ്പാണ് നടക്കുന്നത്. ഇതിന് ഏതെങ്കിലും വിധത്തിൽ നിയന്ത്രണം വരേണ്ടത് അത്യാവശ്യം തന്നെ ആയിരുന്നു. കൂടുതൽ നിയന്ത്രണങ്ങളോടെ ഭൂമി വാങ്ങലും വില്പനയും സാധാരണക്കാരന് പ്രാപ്യമാകുന്ന രീതിയിലേക്ക് ആകേണ്ടിയിരിക്കുന്നു.
http://www.mathrubhumi.com/money/personal-finance/real-estate/real-estate-kerala-dip-malayalam-news-1.753854
http://www.mathrubhumi.com/money/personal-finance/real-estate/real-estate-kerala-dip-malayalam-news-1.753854
