ആരാണു നീ

ചലനം ബന്ധിപ്പിക്കപ്പെട്ടപ്പോൾ, എഴുത്താണി കൈയിലേന്തി
കണ്ണും മനസ്സും തുറന്നുവച്ചു കണ്ടൂ ലോകം, ജീവിതവും
സൃഷ്ടിച്ചു സാഹചര്യങ്ങൾ, ചിന്തകൾ, ആശയങ്ങൾ, കഥാപാത്രങ്ങൾ..
അവയാലൊരു കവചം തീർത്തു, പൊലിപ്പിച്ചു വ്യക്തിത്വം
ആസ്വദിച്ചു ആരാധനാഭാവങ്ങൾ, അഭിനന്ദനങ്ങൾ
കൂടിന്നു പുറത്തിറങ്ങാൻ ധൈര്യമില്ലിനിയും
സൃഷ്ടിക്കപെട്ടവയെല്ലാം ചുറ്റും നിന്ന് പരിഹസിക്കുമ്പോൾ
കണ്ണാടിയിൽ നോക്കിയൊന്നു കാർക്കിച്ചു തുപ്പാം