തിരുവനന്തപുരം മെഡിക്കൽ കോളേജിൽ ഓപറേഷൻ തീയറ്ററിൽ ഓണ സദ്യ വിളമ്പിയത് ആരോഗ്യ രംഗത്തെ അനാരോഗ്യകരമായ പ്രവർത്തനങ്ങളിൽ ഏറ്റവും അവസാനം ശ്രദ്ധിക്കപ്പെട്ടത് മാത്രം ആകാം. ഇത് ഒരു ഒറ്റപ്പെട്ട സംഭവം ആയിട്ട് കാണുന്നതിനു പകരം, ആരോഗ്യ രംഗത്ത് ഇപ്പോൾ നിലവില ഉള്ള അനാരോഗ്യ പ്രവണതകൾ പരിഹരിക്കാനുള്ള ശ്രമത്തിനുള്ള ഒരു മുന്നറിയിപ്പായി കാണേണ്ടിയിരിക്കുന്നു. ഇതിനു മുൻപും ഓണ സദ്യയും, ബിരിയാണിയും, ലഡ്ഡുവും, ജിലേബിയും എല്ലാം ഇതുപോലെ പല ഓപറേഷൻ തീയറ്ററുകളിലും വിതരണം ചെയ്തുകാണും. ഇത് പ്രാഥമിക ആരോഗ്യ കേന്ദ്രം മുതൽ ഹൈ ടെക് ഹോസ്പിറ്റൽ വരെ എല്ലായിടത്തും കാണാൻ കഴിയും. രോഗികളുടെ വിധേയത്വം കൊണ്ടും, അധികൃതരുടെ അനാസ്ഥ കൊണ്ടും, ആശുപത്രി
നടത്തിപ്പുകാരുടെ അറിവില്ലായ്മ കൊണ്ടും, ഡോക്ടർമാരുടെ
ഉത്തരവാദിത്തമില്ലായ്മ കൊണ്ടും പലതും റിപ്പോർട്ട് ചെയ്യപ്പെടാതെ
പോകുന്നതാണ്. ഇത് ഓപ്പറേഷൻ തീയറ്ററുകൾ ഭക്ഷണപ്പുരകൾ ആക്കുന്നതിൽ മാത്രം ഒതുങ്ങുന്നതല്ല. യോജിച്ച രീതിയിൽ ഉള്ള സൗകര്യങ്ങൾ ഉണ്ടോ, അവ വേണ്ടരീതിയിൽ തന്നെ ആണോ ഉപയോഗിക്കുന്നത്, അങ്ങിനെയുള്ള മാർഗ്ഗ നിർദ്ദേശങ്ങൾ പാലിക്കപ്പെടുന്നു എന്ന് ഉറപ്പു വരുത്താനുള്ള പരിശോധനകൾ നടക്കുന്നുണ്ടോ എന്നെല്ലാം പരിശോധിക്കേണ്ടിയിരിക്കുന്നു.
ആരോഗ്യ രംഗത്ത് പിന്തുടരേണ്ട ശുചിത്വ നിയമങ്ങളെക്കുറിച്ച് ആരോഗ്യ രംഗത്ത് പ്രവർത്തിക്കുന്നവർക്ക് ശരിയായ രീതിയിൽ ഉള്ള മാർഗ്ഗ നിർദ്ദേശങ്ങളും, പരിശീലനങ്ങളും കൊടുക്കേണ്ടതും അവ പിന്തുടരുന്നുണ്ടോ എന്ന് ആശുപത്രി അധികൃതരും, ഡോക്ടർമാരും, സർക്കാർ സംവിധാനങ്ങളും ഉറപ്പ് വരുത്തേണ്ടതും ചെയ്യേണ്ടതാണ് . ഈ രംഗത്തുള്ള ബോധവൽക്കരണം, പൊതുജനങ്ങൾക്കു, അവർക്ക് അവകാശപ്പെട്ട മെച്ചപ്പെട്ട സേവനം ചോദിച്ച് വാങ്ങിക്കാൻ ഉതകുന്ന വിധവും ആകണം.
ആരോഗ്യ രംഗത്ത് പിന്തുടരേണ്ട ശുചിത്വ നിയമങ്ങളെക്കുറിച്ച് ആരോഗ്യ രംഗത്ത് പ്രവർത്തിക്കുന്നവർക്ക് ശരിയായ രീതിയിൽ ഉള്ള മാർഗ്ഗ നിർദ്ദേശങ്ങളും, പരിശീലനങ്ങളും കൊടുക്കേണ്ടതും അവ പിന്തുടരുന്നുണ്ടോ എന്ന് ആശുപത്രി അധികൃതരും, ഡോക്ടർമാരും, സർക്കാർ സംവിധാനങ്ങളും ഉറപ്പ് വരുത്തേണ്ടതും ചെയ്യേണ്ടതാണ് . ഈ രംഗത്തുള്ള ബോധവൽക്കരണം, പൊതുജനങ്ങൾക്കു, അവർക്ക് അവകാശപ്പെട്ട മെച്ചപ്പെട്ട സേവനം ചോദിച്ച് വാങ്ങിക്കാൻ ഉതകുന്ന വിധവും ആകണം.
