വേഷപ്പകർച്ച

നിഷാദ ചിഹ്നങ്ങളഴിച്ചു മാറ്റി
അജ്ഞാത വാസത്തിനിറങ്ങി തരിച്ചു
യാത്രയിലാർജ്ജിച്ച തന്ത്രങ്ങളുമായ്
വേഷപ്പകർച്ചയ്ക്ക് കോപ്പുകൂട്ടി
കുന്തിച്ചിരുന്നങ്ങു ആലോചിച്ചു
ആലോചിച്ചിരുന്നങ്ങു ഉറങ്ങിപ്പോയി
സ്വപ്നത്തിലങ്ങിനെ നീരാടുമ്പോൾ
ഹമ്പടാ, വരുന്നു ആശയങ്ങൾ
ഇക്കിളി ചിന്തകൾ മൂടി വെച്ച്
തത്വചിന്തയിൽ തന്നെ പയറ്റിടെണം
മൂടണം ചുറ്റിലും വല്മീകം കൊണ്ട്
കാണണം ചുറ്റിലും, തന്നെയോഴിച്ചു
വചനത്തിനൊത്തൊരു നാമമാക്കി
പ്രഘോഷണ വർഷമാരംഭിച്ചു
മറന്നില്ല, വല്മീകത്തിനുള്ളിലായ്
സഞ്ചാരയോഗ്ഗ്യമൊരു തുരങ്കം തീർക്കാൻ