പ്രകടന പത്രിക

ഇത് പ്രകടന പത്രികകളുടെ കാലമാണല്ലോ. കണ്ടറിഞ്ഞും, കൊണ്ടറിഞ്ഞും. കേട്ടറിഞ്ഞും രാഷ്ട്രീയ ബുദ്ധിജീവികൾക്ക് അതിബുദ്ധി കാണിക്കാനുള്ള അവസരം. എന്ത് ചെയ്യുന്നു, എന്ത് ചെയ്യാൻ കഴിയുന്നു, എന്താണ് ചെയ്യേണ്ടത് എന്നതിനപ്പുറം എത്ര വോട്ട് നേടാൻ കഴിയും എന്ന ലാക്കോടെ ആണ് ഒട്ടുമിക്കതും പിറന്ന് വീഴുന്നത്. മലയോര കർഷകർ ആണ് വോട്ട് ചെയ്യുന്നത്. അതുകൊണ്ട് പാവം പരിസ്ഥിതി ഒരു വശത്തേക്ക് ഒതുങ്ങി. അഴിമതിക്കെതിരെ ആണ് പൊതുജന വികാരം. അപ്പോൾ അതിനെ പരാമർശിക്കാത്തത് വിലപ്പോകില്ല. അതുകൊണ്ട് അഴിമതിയുടെ തലതൊട്ടപ്പന്മാർ പോലും അഴിമതി തുടച്ചു നീക്കി എന്ന് ഘോര ഘോരം പറഞ്ഞുകൊണ്ടേ ഇരിക്കുന്നു. ഇതിനിടയിൽ ആണ് പല അവിശുദ്ധ കൂട്ടുകെട്ടുകളും വിശുദ്ധമാകുന്നതും നമ്മൾ കാണുന്നത്. തെറ്റുകൾ ഏറ്റുപറയുന്നവരും, തെറ്റ് ചെയ്യാൻ തെരഞ്ഞെടുപ്പ് കഴിയുന്നത്‌ വരെ കാത്തിരിക്കുന്നവരും നമ്മളെ മോഹിപ്പിച്ചുകൊണ്ടേ ഇരിക്കുന്നു. ഇതെല്ലം വെറും പ്രകടനങ്ങൾ ആണെന്ന് നമ്മൾ മനസ്സിലാക്കുമ്പോളേയ്ക്കും മൂടും തട്ടി അവർ കടന്നു കളഞ്ഞിട്ടുണ്ടാകും. ജാഗ്രതൈ !!!