കുലം

ചില്ല് കൂട്ടിലടച്ച  പ്രതിമയ്ക്ക്
മുന്നിലെ വിദേശമദ്യഷാപ്പിൽ
ഗുരുവും അനുചരന്മാരും
സ്വജാതിക്കൂട്ടം ആയപ്പോൾ,
മഹത് വചനം
മഞ്ഞയിൽ പൊതിഞ്ഞ
ജാതി സംഹിത അയി
പുകച്ചുരുളുകൾ തീർത്തു..
സോഷ്യലിസം പ്രസംഗിക്കുന്ന
മാനസത്തിൽ  പോലും
അന്തസ്സുള്ള ജാതിപ്പേര് തിരുകി
മേലാളന്മാർ വാഴുന്നു..
ശുദ്ധാശുദ്ധങ്ങൾ നൂലിൽ തിരുകി
പട്ടിണികിടന്നാലും കൈവിടില്ലാഭിജാത്യം..
മുന്മുറ നട്ടുവളർത്തിയ
അപകർഷതാ ബോധം
പേരും കുലവും ചൊല്ലാൻ
മടിച്ചൊളിച്ചിരിക്കും ഹരിജനം..
എങ്കിലും, ഞങ്ങൾക്കൊന്നാണ്
കുലവും, സംഹിതകളും..