നിസംഗത

ഉറങ്ങാം നമുക്ക്..
കണ്ണും, കാതും, മനസ്സുമടച്ചുറങ്ങാം..
പൈതലിൻ രോദനം കേൾക്കാതിരിക്കാം..
കുഞ്ഞുമക്കൾ  മദ്യം രുചിച്ച് 
കുഴഞ്ഞു വീഴുന്നതും;
പുകച്ചുരുളിലമർന്നു കൗമാരം
വ്യർഥസങ്കല്പങ്ങൾ കാമിക്കുന്നതും;
ജാതി നോക്കി പ്രണയിക്കാത്ത യൗവ്വനം
കൂട്ടരതിഭോഗത്തിന്നു ശിക്ഷിക്കപ്പെടുന്നതും;
നമ്മുടേതല്ലെന്ന ആശ്വാസത്തിലുറങ്ങാം,
കണ്ണും, കാതും, മനസ്സുമടച്ചു,
നിസ്സംഗരായുറങ്ങാം..