പാഴ്ജന്മം

ആദ്യ പുത്രിതൻ പരിലാളനയേറിയില്ലധികനാൾ
പിച്ചവെച്ചപ്പോളേ ശാസനകൾകേട്ട-
വകൾക്കാശയക്കുഴപ്പമായ്
നടപ്പിലും വേഷത്തിലും
ചിന്തയിലും സംസാരത്തിലും..
ശാസനകളവളെ വിരൂപിയും,
പ്രജ്ഞ നഷ്ടപ്പെട്ടവളുമാക്കി..
ഞാനുമൊരു പെണ്ണെന്ന്,
ഒതുങ്ങി നിന്നവൾ പതുക്കെ പറഞ്ഞുനോക്കി
ഉച്ചത്തിലോരിയിട്ടലറി നോക്കി..
അനുസരണയില്ലാത്തവളെന്ന ഗണത്തിൽ
കൂട്ടിയൊതുക്കപ്പെട്ടു..
ശ്രദ്ധവെച്ചില്ല, കണ്ണടച്ചൊരു,
കാതു പൊത്തിയൊരു ബന്ധുജനങ്ങളും..
പിന്നീട് വന്നനുസരണാശീലം തികഞ്ഞ
കുട്ടികളെ ലാളിച്ചു പോന്നവർ..

പറയുവാനേറെയുണ്ടവൾക്കെന്നാകിലും
പൊന്തുന്നില്ല ശബ്ദം..

അകാല വാർദ്ധക്യം ബാധിച്ചൊരു
കോണിൽ കിടപ്പുണ്ടങ്ങിനെ..
പിറക്കേണ്ടിയില്ലായിരുന്നെന്നു
ശപിച്ചാത്മഹത്യ ചെയ്യാൻ പോലുമാകാതെ..