ഉണ്ണി

എന്നുള്ളിലൊരുണ്ണി ഉറങ്ങുന്നുണ്ടെപ്പോളും
അമ്പിളി മാമനെ മോഹിക്കുന്നൊരുണ്ണി
ഇമ്പത്തിൽ താരാട്ടു കൊതിക്കുന്നൊരുണ്ണി
ഉച്ചത്തിൽ ശബ്ദിച്ചാൽ കരയുന്നൊരുണ്ണി
ഋതുക്കൾ മാറുന്നതറിയാത്തൊരുണ്ണി
ഏട്ടൻ കൂട്ടിന്നുണ്ടെന്നഹങ്കരിക്കുന്നൊരുണ്ണി
ഓടാൻ ശ്രമിക്കുമ്പോൾ വീഴുന്നൊരുണ്ണി
അമ്മിഞ്ഞ പാലിൻ മണമുള്ളോരുണ്ണി

കള്ളം പറയുന്നത് പാപമായൊരുണ്ണി
"കോക്കാച്ചി"യെക്കണ്ട്‌ പേടിക്കൊന്നുരുണ്ണി
കള്ളമില്ലാതെ ചിരിക്കുന്നൊരുണ്ണി
കാളകൂടവും അമൃതാക്കുന്നൊരുണ്ണി
ഉണ്ണിയെ താരാട്ടു പാടിയുറക്കി ഞാൻ
ഇമ്മിണി വലിയൊരു വേഷം കെട്ടി
ഉണ്ണീ നീയെന്നും ഉറങ്ങി കിടക്കല്ലേ
ഇടയ്ക്കുണർന്നെൻ സ്വത്വത്തെ വീണ്ടെടുതാലും